Plantun de Prouvènço

Pèr coumpara dos planto d'encò nostre

Vicia sallei & Viola jordanii

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 5 à 30 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : 0,8 à 1,2 cm
Flourido : Printèms

Sòu : Ca
Autour basso e auto : 200 à 1200 m
Aparado : Noun
Mars à jun

Liò : Tepiero roucaiouso
Estànci : Mesoumediterran à Mountagnard
Couroulougi : Estenoumediterrano
Ref. sc. : Vicia sallei Timb.-Lagr., 1867

Vióuleto(-de-Jordan)

Viola jordanii

Violaceae

Nom en français : Violette de Jordan.

Descripcioun :
La vióuleto-de-Jordan es uno grando vióuleto emé d'estipulo larjo que trachis dins lis orle de bos e li pelouso un pau umido sus cauquié. Se destrìo de la vióuleto-fèro, Viola canina, bonodi si làrjis estipulo. Li flour soun toujor claro emé un esperoun jaune.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.